Physical Address
304 North Cardinal St.
Dorchester Center, MA 02124
دليل ادوية الربو و الانسداد الرئوي
بعد ما بصينا على البخاخات و اجهزة الاستنشاق بشكل عام هندخل جوه عالم المواد الفعالة المستخدمة في أهم أمراض الجهاز التنفسي المزمنة : الربو Asmtha و الانسداد الرئوي COPD
تنويه : احنا هنفضل مركزين على نفس الخمس شركات اللي كنا معاهم المرة اللي فاتت
قبل مانخش في تفاصيل الأدوية لازم نبص بشكل سريع على المرضين ونعرف الفرق
١- الربو Asthma
مرض غير متجانس ( ليه أشكال كتير ) يتميز بالتهاب مزمن في الشعب الهوائية ووجود اعراض تنفسية زي صعوبة في التنفس، صوت أزيز أثناء التنفس وضيق الصدر، وكحة
النقطة المهمة هي ان الأعراض تتفاوت بمرور الوقت وفي الشدة، غير ان في تقلب و تغير مستمر في نتايج اختبارات وظائف الرئة يعني الحالة ممكن تتغير من حال لحال بسرعة و دا اهم ما يميز الربو
الربو بيظهر مرة واحدة بشكل مفاجئ و في الأغلب بيظهر في الأطفال و يستمر مع العمر و ان كان ممكن برضه يبدأ بعد البلوغ وان كان بنسبة أقل و بيكون موجود بشكل وراثي و بيستجيب بشكل بشكل ممتاز و سريع للكورتيزون
في أكتر من ٣٠٠ مليون مريض ربو في العالم
٢- الانسداد الرئوي المزمن COPD
مرض غير متجانس يتميز بأعراض تنفسية مزمنة (مثل ضيق التنفس، والسعال، وإنتاج البلغم، و ممكن يحصل تدهور و مضاعفات ) بسبب تشوهات في المسالك الهوائية و/أو الحويصلات الهوائية عادة نتيجة لتعرض كبير لغازات ضارة زي التدخين مثلا اللي يعتبر اهم مسبب للمرض دا
الاعراض بتبدأ بسيطة و تتطور ببطء ونتائج وظايف الرئة مش بيكون فيها تقلبات كتير و الأغلب انها بتدهور بالوقت ، المرض بيظهر متأخر شوية في العمر و مالوش اي علاقة بالوراثة و الاستجابة بتبقى بسيطة للكورتيزون
في اكتر من ٤٨٠ مليون مريض COPD في العالم و المرض هو رابع مسبب للوفاة في العالم
الأدوية المستخدم في علاج الربو و COPD
الادوية المستخدمة في المرضين هي نفسها تقريبا و ان كان في اختلافات في ترتيب الاولوية و الفعالية . المواد الفعالة نقدر نقسمها ل٣ مجموعات رئيسية وانواع ثانية ثانوية
١- β Agonists او محفزات مستقبلات البيتا
دي الأدوية الكلاسيكية الموسعة للشعب : بتشتغل عن طريق انها تسبب ارتخاء في العضلات اللي بتبطن الشعب الهوائية و بالتالي تقلل الضغط على الشعب و تساعد انها تتمدد اكتر
بيتقسموا لنوعين
قصير المفعول او short acting beta Agonist و اختصارا SABA
١- Salbutamol/Albuterol و الاسم التجاري Ventolin /Sultanol
٢- Fenoterol الاسم التجاري Berotec
ممتد المفعول اوLong acting betablocker او LABA
1- Formoterol اسمه التجاري Foradil
٢- Salmeterol اسمه التجاري Serevent
٣- Indacaterol و اسمه التجاري Onbrez
٤- olodaterol واسمه التجاري Striverdi
٥- Vilanterol و مش بينزل لوحده تجاريا فقط كمنتج مركب مع مادة فعالة إضافية
٢- مضادات الماسكارين Muscarinic Antagonists
ودول بيقللوا من انقباض عضلات القصبات الهوائية و بيقللوا الافرازات جوا الشعب الهوائية وبرضه بيتقسموا لنوعين
قصير المفعول Short Acting Muscarrinic Antagonist أو SAMA
1- Ipratropium و الاسم التجاري Atrovent
طويل المفعول Long Acting Muscarinic Antagonic او LAMA
1- Tiotropium و الاسم التجاري Spiriva
٢- Aclidium و الاسم التجاري Eklira
٢- Umeclidium و الاسم التجاري Incruse
٣- Glycopyrronium و الاسم التجاري Seebri
٣- كورتيزونات الاستنشاق Inhaled Corticosteroids أو ICS
ودول مضادات للالتهاب الافضل في أمراض الجهاز التنفسي نظرا ان المفعول بيكون اسرع و الآثار الجانبية نتيجة الوصول للدورة الدموية بتكون اقل بكتير
١- Fluticason و الاسم التجاري Flixotide / Flutide
٢- Beclomethason و الاسم التجاري Clenil
٣- Budesonide وهنا في ٣ اسامي تجارية ل٣ اشكال مختلفة
Budiair على شكل MDI
Miflonide على شكل كبسولات للاستنساق (Single Dose DPI )
Pulmicort على شكل Turbohaler
غير كدا في ادوية تانية بتستخدم بشكل أقل زي
Leukotrein Antagonists LTRA اللي الممثل الوحيد ليه حاليا هو Montelukast على شكل أقراص أو حبيبات للبلع
وفي زيادة في استخدام المواد الحيوية Biologics
طيب الترتيب ازاي
أولا هنعتمد على الارشادات الدولية Global guideline و اللي هي ارشادات مبادرة GINA لحالات الربو
و ارشادات GOLD لحالات الCOPD
أولا ارشادات GINA Guidelines الجديدة 2024 لعلاج الربو
الGINA بتقسم المرض ل5 مراحل و العلاج بيتحدد وفقا للمرحلة و بيكون فيه بروتوكول علاج مفضل و بروتوكول بديل عند الحاجة
المرحلة الأولي : تشخيص المرض مع اعراض لا تتكرر ألا مرة أو مرتين بالاسبوع
الخيار المفضل: Formoterol + ICS فقط عند الحاجة
الformoterol يتميز عن باقي ال LABA بسرعة مفعولة بعد اقل من 5 دقايق من الاستعمال + الاثر الطويل لحوالي 12 ساعة
المنتجات العتمدة
1- Foster على شكل MDI
Beclomethaone + Formoterol
2-Symbicort على شكل Turbohaler DPI
Budesonide +Formoterol
الخيار البديل : SABA + ICS عند الحاجة
ونظرا لعدم وجود منتجات فيها الاتنين مع بعض بيحتاج المريض لاستخدام منتجين في نفس الوقت
الخيار دا هو المفضل بالنسبة للأطفال
المرحلة الثانية : أعراض تتكرر أقل من 5 أيام في الاسبوع مع وظائف رئة طبيعية
الخيار المفضل : نفس الشئ Formoterol + ICS عند اللزوم فقط
الخيار البديل : ICS بشكل يومي + SABA عند اللزوم أو
LTRA (montelukast) بشكل يومي + ٍِSABA عند اللزوم
المرحلة الثالثة : أعراض بشكل يومي أو استيقاظ من النوم بسبب الأعراض أو وظائف رئة منخفضة
الخيار المفضل : Formoterol + ICS بجرعة قليلة بشكل يومي + عند الحاجة أو ما يسمي Maintainence +Reliever Treatment أو اختصارا MART بمعنى ان نفس المنتج هيستخدم للوقاية و العلاج
الخيار البديل (والقديم) : LABA + ICS بجرعة منخفضة بشكل يومي + SABA عند اللزوم
هنا المنجات المعتمدة هتكون منتجات ال Formoterol بالاضافة الى :
1-Seretide على شكل MDI أو Diskus DPI
Salmeterol +Fluticasaon
2-Relvar/Revinity على شكل Ellipa DPI
Vilanterol+ Fluticasone
أو LTRA + ICS بشكل يومي + SABA عند اللزوم
المرحلة الرابعة : أعراض يومية + أستيقاظ من النوم +وظائف رئة منخفظة
الخيار المفضل : Formoterol + ICS بجرعات أعلى بطريقة MART
الخيار البديل : LABA + ICS بشكل يومي بجرعات يومية + SABA عند اللزوم أو
LABA +ICS بشكل يومي + LAMA أو LTRA بشكل يومي برضه + SABA عند اللزوم
في حالة عدم التجاوب في أي مرحلة بيتم الانتقال للخطوة الأعلى
المرحلة الخامسة : عدم الاستجابة للعلاج في المرحلة الرابعة
الخيالر المفضل : الوصول لاعلى جرعة MART + إضافة Biologic حسب الحالة
الخيار البديل : إضافة أقراص كورتيزون Oral Corticosteroid OCS
ثانيا ارشادات GOLD Guidelines الجديدة 2024 لعلاج الCOPD
المرضى بيتقسموا وفقا لاكترمن معيار
1- mMRC أو Modified Medical resrach council Scale
ودا مقياس من 0 -4 لتكرار ظهور اأعراض : مستوى 0 معناه ان الاعراض بتظهر بس مع المجهود العنيف و 4 معناه انه بتكون حتى من غير مجهود
2- COPD Assesment test أو CAT
ودا استبيان بيملاه المرض عشان يعبر عن درجة تأثير المريض على حياته اليومية و فيه درجة لكل سؤال من 0 إلى 5 وفي الاخر المرض بياخد درجة
3- risk of Exacerbation أو خطر تفاقم الحالة
مشكلة الCOPD الأكبر بتكون وقت تفاقم الحالة للمرحلة اللي المريض بيحتاج فيها لتدخل طبي عاجل و وظائف الرئة بتدهور فيها بسرعة .. عملية التفاقم خطيرة وكتير بتحتاج اسعاف و اقامة في المستشفى لفترة و خطر حصول تفاقم بيزيد كل ما يكون قبل كده حصل تفاقم عشان كده ضروري يكون معروف عدد المرات اللي حصل فيها قبل كده تفاقم خطير للحالة
دلوقتي احنا نقدر نقيم الحالات ل 3 مستويات
مستوى A
mMRC 0-1 ومعاه نتايج CAT أٌقل من 10 و محصلش تفاقم أو حصل تفاقم مرة واحده من غير مستشفى
العلاج بيكون : LAMA أو LABA بشكل يومي
مع SAMA/SABA عند اللزوم أو SAMA+ SABA
.فيه منتتجات فيها الاتنين مع بعض زي
Combivent inhaler : Salbutamol + Ipratopium
Duovent inhaler : Fenoterol + Ipratropim
مستوى B
mMRC 2-4 و نتايج CAT أكترمن 10 ومحصلش تفاقم أو مرة واحدة من غير مستشفى
العلاج : LAMA + LABA مع بعض + SAMA/SABA عند اللزوم
فيه منتجات جاهزة زي
Spiolto Respimat : Olodaterol + Tiotropium
Ultibro Breezehaler: Indacaterol + Glycopyronium
Anoro Ellipta: Vilanterol + Umeclidium
Brimica Genuair : Aclidinium + Formoterol
Bevespi Aerosphere: Formoterol + Glycopronium
مستوى E
دلوقتي الأهم مش نتايج الاستبيانات .. مدام التفاقم حصل مرتين أو احتاج مستشفى بقى لازم القوة القصوى
العلاج : LAMA + LABA + ICS مع SAMA/SABA عند اللزوم
هنا لازم نوضح ان برغم ان الكورتيزون بيزود امكانية حصول التهاب رئوي و فعاليته مش كبيرة ولكنه بيكون الخيار الأخير
والمنتجات الموجودة في الحالة دي هي
Trelegy Ellipta : Vilanterol +Umeclidium +Fluticason
Trimbow Nexthaler : Formoterol + Glycopyronium + Beclomethason
Breztri Aerosphere : Formoterol + Glycopronium + Budesonid
غير كده في دوا اسمه Daxas بيحتوى مادة اسمها Roflumilast بتساعد في تقليل حالات التفاقم عن طريق تقليل الالتهاب بدون استخدام للكورتيزون
المصادر
