Mounjaro: اسئلة و إجابات

هل تعرف إن شركة Eli Lilly هي أكبر شركة أدوية في العالم من حيث القيمة السوقية؟

رغم إن مبيعات Johnson & Johnson (رقم 1 في المبيعات) أكتر من ضعف مبيعات Lilly (رقم 11)، إلا إن القيمة السوقية لـ Lilly أكتر من ضعف قيمة Johnson! 💡

ليه الفرق الكبير ده؟

بكل بساطة، الأسواق دايمًا “بتبص لقدام”، يعني التقييم بيتبني على التوقعات المستقبلية أكتر من الوضع الحالي. وأكتر حاجة رافعة قيمة Lilly هي الدوا اللي كل الناس بتتكلم عنه دلوقتي: Mounjaro (مونجارو).

إيه هو مونجارو؟
• الاسم العلمي: Tirzepatide
• الاستخدام: علاج السكر والتخسيس
• طريقة الاستخدام: حقنة مرة كل أسبوع تحت الجلد

الدراسات أثبتت نتائج رهيبة:
📉 نقص وزن بنسبة 21% خلال سنة واحدة!
✅ الجرعة بتبدأ تدريجي لحد ما توصل للجرعة القصوى عشان أحسن نتيجة.

Mounjaro s Ozempic

مونجارو متفوق على أوزيمبيك – منافسه المباشر لأنه:
• بيشتغل على هرمونين (GLP-1 و GIP) اللي بينظموا الشهية والسكر.
• في حين أوزيمبيك بيشتغل بس على GLP-1.

النتيجة؟ فعالية أعلى، بس مع آثار جانبية أكتر، زي:
• غثيان، قيء، آلام في المعدة.
• في حالات نادرة، التهاب البنكرياس و سرطان في الغدة الدرقية ووصلت لحالات وفاة.
• وكمان بيأثر على امتصاص حبوب منع الحمل، وده تسبب في ظهور حالات حمل غير متوقعة.

نجاحات مونجارو

✅ خد موافقة FDA سنة 2023 لعلاج السكر.
💰 حقق مبيعات 11 مليار دولار في 2024 بس!
🚀 التوقعات إنه يوصل لمبيعات 30 مليار دولار بحلول 2029.

وهنا يظهر مجموعة اسئلة محتاجة اجابة

1-هل استخدام  مونجارو  لعلاج السمنة ينفع لكل الناس ولو لأ مين ينفع يستخدمه؟

مونجارو مُعتمد أساسًا للبالغين بمؤشر كتلة جسم 30 أو أعلى (السمنة)
أو بمؤشر كتلة جسم 27 أو أعلى مع وجود مشاكل صحية مرتبطة بالوزن (مثل مرض السكري من النوع 2، ارتفاع ضغط الدم، أو ارتفاع الكوليسترول).
في بعض الحالات، ممكن الطبيب يوصف موندجارو خارج التصنيف لإنقاص الوزن للأشخاص بمؤشر كتلة جسم أقل لو عندهم مشاكل صحية خطيرة مرتبطة بالوزن.

Disclaimer: موندجارو مش بديل لإنقاص الوزن الصحي اللي بيعتمد على نظام غذائي سليم وممارسة الرياضة.

الشركة المنتجة نفسها بتقول انه مش مفروض يستخدم لأغراض تجميلية ، هو دوا لمرض السمنة سواء كانت شديدة او مصاحب ليها مشاكل او مضاعفات صحية

2-ايه الجرعات:

• مونجارو متوفر بتركيزات مختلفة.2.5 و 5 و 7.5 و 10 و 12.5
•  الجرعة البداية بتكون بأقل تركيز وبتزيد بالتدريج كل أسبوعين أو اربع اسابيع زي ما الطبيب يحدد .
• التدريج دا بيساعد في تقليل الأعراض الجانبية.

3- مدة الاستخدام اد ايه :

الجرعة بتزيد لجد ما نوصل لأعلى جرعة الجسم يقدر يتحملها و بيتم الاستمرار عليها لفترة طويلة ( في علاج السكر بتكون مدى الحياة ) او في حالة السمنة ممكن تقل بعد الوصول للهدف  ( بعد وضع برنامج لمعدل التخفيض و لما بعد الايقاف)
لازم يتم تحديد مدة الاستخدام من قبل الطبيب المعالج بناءً على استجابة كل حالة.

4-هل الوزن بيرجع يزيد بعد إيقاف استخدام مونجارو؟

في اغلب الدراسات للأسف ايوا ، علشان كدا لازم يتحط مع الطبيب خطة لفترة بعد ايقافه للمحافظة على المتايج

5- موانع الاستخدام:

•  مش مناسب لمرضى الغدة الدرقية.
• مش مناسب  للحامل والمرضعة.
•  مش مناسب للي عندهم تاريخ سرطاني.
•  مش مناسب في حالات الحساسية من المادة الفعالة
• مش مناسب لاقل من ١٨ سنة

6- السعر: في يناير ٢٠٢٥
* مصر: العلاج الشهري بيدا من ١٠ الاف جنيه
* السعودية: العلاج الشهري يبدأ من ١٢٠٠ ريال
* أمريكا: السعر بيدأ من الف يورو مع وجود
* ألمانيا: يبدأ من ٢٠٣ يورو

7- التحويل من ويجوفي/ أوزمبيك:
ممكن يتم التحويل من أدوية مشابهة زي ويجوفي/ أوزمبيك بعد استشارة الطبيب و ساعتها بنكمل بأقل جرعة مقابلة بس بعد على الأقل أسبوع من أخر جرعة للبديل
لا يوجد معادلة ثابتة بين مونجارو وأدوية مشابهة بعد الأطباء في أمريكا اجتهدوا و عملوا الجدول دا لمقارنة التأثير بين مونجارو و أوزيمبيك

Comparative dose chart for Ozempic and Mounjaro

Ozempic	0.25 mg	0.5 mg	1 mg	2 mg	–	–	–	–
Mounjaro	–	2.5 mg	–	5 mg	7.5 mg	10 mg	12.5 mg	15 mg

 

8- الأشكال الدوائية لموندجارو:
* متوفر في عبوات مختلفة (أمبولات، قلم حقن ، قلم حقن للاستخدام الواحد).

الأمبولات متوفرة بالأساس للمستشفيات و بتحتاج سرنجات للحقن تحت الجلد ، التركيزات كلها متوفرة كأمبولات لاستخدام مرة واحدة

اقلام حقن Kwikpen : بيكون مشابه لاقلام الانسولين . القلم بيحتوي على ٤ جرعات و بيكفي لاربع اسابيع . القلم بيحتاج شكاكة مناسبة ومفروض تتغير مع كل استعمال.

الجرعات بتكون ظاهرة على مؤشر بيظهر عليه رقم 0 او 1  . مع كل استخدام بيتم لف القلم لحد ما يظهر الرقم ١ . بعدها بيتم  الضغط على القلم لحد ما الجرعة يتم تحريرها من القلم تحت الجلد و يرجع المؤشر لرقم 0  وساعتها يبقى مستعد لجرعة جديدة الاسبوع التالي .

اقلام الحقن للاستخدام لمرة واحدة ( Single use pens) شكل اخر اسهل للمريض لانه بيستخدمه و يرميه بس بيكون اكتر تكلفة للشركة و فيه كمية هدر للبلاستيك اكبر

في الاقلام بنوعينها بيكون فيه دايما جزء متبقى بعد ما الجرعة تخلص ، الحزء دا بيتحط  اوتوماتيكي ومش مفروض انه يستخدم و مش بيشكل جرعة كاملة

9- المريض يعمل ايه في حالة النسيان :

لو المريض نسي ياخد الحقنة و يوم الحقن مر عليه ٤ ايام او اقل ممكن ياخد الجرعة أول ما يفتكرها و ياخد الجرعة اللي بعدها في ميعادها الطبيعي بدون اي تغيير .

مثال ميعاد الحقن الجمعة و المريض نسي و افتكر يوك الاحد : هنا يقدر ياخدها عادي و يكمل الللي بعد كدا الجمعة عادي

أما لو كان عدى  اكثر من ٤ ايام يعني لو افتكر الجرعة يوم الاربع . فمش مفروض انه ياخدها . يعني يعدي الجرعة دي خالص و ياخد جرعة الجمعة بعدها بيومين من غير ما يعوض الجرعة اللي فاتته  .

10- هل زيبوند Zipbound بديل وايه الفرق بينه وبين مونجارو :
في بعض الدول تم انتاج و تسويق منتجين بنفس المادة الفعالة مع اختلاف النشرة الداخلية و دواعي الاستعمال مونجارو و زيبوند  : زيبوند هو الاسم التجاري المستخدم للحقن المخصصة لعلاج السمنة في بعض الدول زي امريكا وكندا . اما المونجارو ففقط لمرضى السكر

11- الغش و التلاعب:  هل في مونجارو مضروب ؟  :

في مواقع وأماكن كتير بتعلن عن بيع الحقن بأسعار مختلفة مخفضة او بتكريبة افضل . دا بيرجع لانه بيتم غش الحقن على نطاق كبير نظرا للطلب العالي عليها . علشان كدا ضروري الحصول عليها من مصدر معتمد ورسمي

كمان في الدول اللي بتصرف الحقن لمرضى التأمين الصحي : انتشرت ظاهرت الوصفات المزيفة او المقلدة ، هنا ضروري الصيدلي يتأكد من الوصفات اللي من عملا اول مرة يتعاملوا مع الصيدلية او اللي عنوانهم بعيد عن الصيدلية و الاحسن دايما انه يتأكد من اي شكوك عن طريق الاتصال بالطبيب

ه معناه إيه؟
مونجارو مش مجرد دوا، ده ثورة في عالم الصحة والتخسيس. قولنا رأيك، هل الأدوية دي هي المستقبل؟ و هل ممكن تفكر تستخدمه 🌟

تنويه صحي:

قبل استخدام أي أدوية زي مونجارو أو غيره، لازم تستشير طبيب مختص وتفهم كل التفاصيل عن حالتك الصحية. الأدوية دي ممكن تكون فعالة جدًا، بس ليها آثار جانبية محتملة ومش مناسبة لكل الحالات. صحتك دايمًا أهم!