جسم الإنسان مبني على التوازن ، كل حاجة مظبوطة بالمسطرة سبحان الله و اي لعب في التوازن دا بيسبب مشاكل و أمراض تصليحها عمره ما بيكون سهل . عملية تجديد العظم مثال حي على كدا . جسمنا بيتكون من ١٤ ٪؜ عظام و عملية تكوين عظام جديدة و إصلاح التالف عملية متوازنة : بيشتغل فيها طرفين:

بس التوازن دا في أسباب بتسبب اختلال فيه زي انقطاع الطمث عند الستات أو استخدام الكورتيزونات أو استخدام أدوية معينة من أدوية الأورام ، دا غير الأورام نفسها اللي ممكن تضرب التوازن دا في مقتل.

الاختلال دا دايما بيكون في صالح خلايا الهدم و ضد خلايا البناء و بالتالي كتلة العضم بتقل و تظهر هشاشة العظام و بيزيد خطر التعرض للكسر .

ولعلاج الحالات دي ظهرت في السبعينات مجموعة من الأدوية اسمها البيزفوسفونات Bisphosphonates  زي Fosamax أو Actonel / Bonviva ، بتشتغل عن طريق انها تعطل خلايا الهدم و بالتالي تتعدل الكفة و يقلل الخطر. لكن الأدوية دي ورغم نجاحها الكبير إلا أن أعراضها الجانبية على المعدة و المرئ و محاذير استخدامها مش قليلة  واستخدامها بصورة غير صحيحة بيعرض المرضى لاخطار كتير غير انها ليها موانع استخدام بتمنع استعمالها رغم احتياج المريض ليها و في حالات كتير كانت  حتى مع كل عيوبها برضه غير كافية للعلاج خاصة في الحالات الشديدة من هشاشة العظام . عشان كدا استمرّ البحث عن بديل مناسب و سهل الاستخدام .

وهنا تدخل شركة Amgen  في سنة 2010 بدواء ثوري  Monoclonal Antibody   بيحتوي على مادة Denosumab  باسم Prolia عشان بينافس و بياخد حصة كبيرة من سوق Bisphosphonates و يلاقي  استحسان كبير من الأطباء و المرضى نظرا لسهولته ونتايجه والاكتر من كدا انه هيتم توسيع استخدام المادة الفعالة و بعدها بسنة واحدة  هياخد موافقة تانية من ال FDA  بجرعات أعلى المرة دي باسم Xgeva في حالات تانية أصعب بكتير وبرضه بنجاح عالي جدا هيخليه أعلى أدوية Amgen من وقت نزوله لحد النهارده بمجموع مبيعات عدى ٥ مليار للعلامتين Prolia /Xgeva في ٢٠٢٣

Denosumab هو زي ماهو باين من اسمه Monoclonal Antibody ودا معناه انه موجه ضد بروتين معين هيوقف مفعوله.   البروتين دا اسمه RANKL وتعالو نفهم ايه حكاية البروتين دا ودوره

دلوقتي على سطح خلايا ال Osteoclasts في بروتين مستقبل Receptor Protein اسمه RANK او

 

 

بالنسبة لبروليا Prolia 60 mg

١- للسيدات في حالة هشاشة العظام بعد انقطاع الدورة

٢- للرجال و السيدات  في حالة هشاشة العظام وزيادة احتمالية الكسور خاصة في حالات عدم الاستجابة او عدم تحمل الBisphosphate

٣- في حالة هشاشة العظام المرتبطة باستعمال أدوية سرطان البروستاتا

٤- في حالة هشاشة العظام المرتبطة مع استعمال الكورتيزون لفترات طويلة

بالنسبة لاكسجيفا Xgeva 120mg

١-  للوقاية من مضاعفات انتشار الأورام السرطانية للعظم Bone metastasis –

 للعلم الخلايا السرطانية نفسها عندها القدرة على إفراز RANKL لتحفيز خلايا الهدم Osteoclacts و العظم نفسه هو ثالث عضو بتنتشر اليه الخلايا السرطانية و دا ببقلل كثافة العظم و يزود الألم و يزود إمكانية الكسر

٢-  في حالة نوع من أورام العظام اسمه ورم الخلية العملاقة

هنا نيجي بقا عند الميزة  الواضحة لل Prolia مقابل اي دوا تاني للهشاشة

الجرعة : حقنة تحت الجلد كل ٦ شهور -مرتين بس في السنة –  بالإضافة  الًى استخدام كالسيوم ١٠٠٠ مج وفيتامين دال

الاستخدام بيستمر لمدة ٥ سنين و بعدها بتم تقييم الوضع مع ملاحظة انه اغلب الحالات اللي بتتحسن مع بروليا بترجع تنتكس وتسوء مع وقف العلاج – عشان كدا في توصيات انه لو لازم يقف يبقى يتم تعويضه بواحد من Bisphosphontes

و بالنسبة لل Xgeva

هنا الجرعة بتكون حقنة كل أربع أسابيع مع إمكانية زيادة جرعات بعد اسبوع او أسبوعين حسب الحاجة و برضه ضروري يستخدم معاه كالسيوم

أهم و اخطر اثر جانبي هو نقص الكالسيوم في الدم – Hypocalcemia – بسبب سحب Denosumab له للعظم ، عشان كدا ضروري يستخدم ١٠٠٠ مج كالسيوم و فيتامين دال معاه عشان يعوض النقص  اللي ممكن يظهر على شكل تقلص في العضلات – ألم في الظهر – تشنجات – وممكن يوصل لنوبات صرع

كمان نقص الكالسيوم ممكن يكون خطير في حالات أمراض الكلى

الأثر التاني المهم ملاحظته هو نقص المناعة اللي بيظهر باكتر من شكل أهمها سهولة العدوى حتى بالأدوار الخفيفة زي البرد و الكحة

الاثر الثالث هو الأعراض الجلدية زي الطفح الجلدي أو حساسية الجلد أو الاحمرار او ظهور بثور او حبوب او حتى تقرحات

الأثر  الأقل انتشارا بكتير ولكنه خطير هو الام الفك و ضعف الأسنان و ممكن توصل لحالة نادرة اسمها  نخر عظمي في الفك – Osteonecrosis او موت خلايا العظم في الفك وبروزها

غير كدا ممكن تظهر أعراض هضمية زي إمساك أو تغيير في لون البول أو البراز

 موانع الاستخدام هي حالات نقص الكالسيوم أصلا او الحساسية ضد المادة الفعالة

في حالة استخدام دوا بيسبب نقص في مستويات الكالسيوم في الدم أو بيقلل المناعة بيكون ضروري يكون فيه حذر و ضبط للجرعات حسب الحاجة

رغم نجاح Denosumab الكبير وتربعه على عرش أدوية الهشاشة بسبب سهوله استخدامه بالمقارنه باي مادة تانية  إلا انه أخطاره و خصوصا انتكاس الحالات بعد وقفه رجع الحاجة لخطوة او خطوات إضافية في طريق البحث . ودا وصلنا لطريق محاولة تحفيز خلايا البناء نفسها عن طريق أدوية زي Teriparatide ومحاولة حتى استخدامه مع ال Prolia أو البحث عن آليات شغل جديدة زي Evenity اللي برضه من تطوير Amgen