ليه دوبيكسنت نجح جامد

في سنة ٢٠١٧ تمت الموافقة على دوا Dupixent لأول مرة في امريكا و أوروبا  من شركة سانوفي بالاشتراك مع شركة Regeneron لعلاج اكزيما الجلد Atopic Dermatitis للبالغين و بعدها تم اعتماده للاطفال و بعدها تم توسيع استخدامه في حالات الربو المتوسطة الى الشديدة وبعدها تم التوسع تاني عشان يشمل التهابات الانف المصاحبة لوجود زوائد لحمية او Polyps و بعدها التهاب المريء Eosionophilic Oesephagitis و بعدها الانسداد الرئوي المزمن COPD و القائمة شكلها هتطول .  الدوا حقق نجاح كبير جدا ووصل للمركز الثالث في اكثر الادوية تحقيقا للايرادات في العالم و لسه قدامه مجال للنمو. طب ايه حكاية الدوا دا و ازاي بقى بيشتغل و ايه اللي بيميزه عن غيره .

وبالتالي خلينا نركز شوية مع التهابات النوع التاني بالتفصيل شوية

بداية الالتهاب بتكون في الأغلب عن طريق جسم ضخم زي دودة زي البلهارسيا مثلا و بالتالي بيتم تحفيز نوع من خلايا الدم البيضاء اللي اسمها Τh2 – T helper cell 2 او الخلايا T المساعدة من النوع الثاني ،  الخلايا دي بتفرز انواع كتير من الانترلوكينات اهمهم :

IL-4 و دا بروتين بحفز خلايا الB-cells انها تفرز اجسام مضادة من نوع IgE  ضد الجسم الغريب بكميات كبيرة  وكمان بتساعد ان ال Th2 نفسها تزيد جامد

IL-5 و دا بيساعد في تحفيز و نمو خلايا المناعة من نوع ال Eosinophils  و ال Mast cells  اللي بيفرزوا مواد محفزة لالتهاب زي الHistamin و يسببوا احمرار او ورم في المنطقة المصابة

IL-13 و دا له دور في زيادة المخاط  وزيادة الأجسام المضادة وممكن كمان تعمل Remodelling للخلايا لو الاتهاب مزمن

الانترلوكينات المذكورة  تأثيراتهم متشعبة جدا  و اكتر بكتير من اللي ذكرناها بس عشان نفضل محددين هنكتفي بدول

وهنا يظهر السؤال لو في مضاد لواحد من الانترلوكينات الثلاثة دي هل يصلح كمضاد التهاب انتقائي من غير ما يكون له آثار واسعة على باقي الجهاز المناعي

.

ومن هنا ظهرت فكرة اجسام مضادة لIL-5 مثلا زي Nucala و Fasenra اللي بيستعملوا في حالات الربو المشديدة في حالة وجود زيادة ملحوظة في خلايا ال Eosinophils .وحققوا نجاح معقول

ولكن احنا النهارده هنتكلم عن نجم الشباك في فئته  .. عن Dupixent Dupilumab  اللي فعال ضد  ΙL 4 و IL-13 في نفس الوقت .

والسر هنا في المستقبل . لو تفتكروا و احنا بنتكلم عن ال JAK inhibitors قلنا ان مستقبلات السيتوكين بتكون مكونة من جزئين ولما السيتوكين يمسك يرتبطوا ببعض ودا يحفز ال JAK . الكلام دا ينطبق بنسبة ١٠٠ ٪؜ هنا على  مستقبلات ال IL-4 و ال IL-13 . و الملاحظ ان واحد من بروتينات الجزئين متطابق بين المستقبلين و الجزء التاني هو اللي مختلف بمعنى ان Receptor IL 4 ليه جزئين او بروتينين. واحد اسمه IL4α و التاني اسمه γc او Gamma chain في حين ان مستقبل الIL-13 متكون من جزئين برضه IL13α1 و التاني هو نفس ΙL4 α

 

ودا معناه ان استهداف بروتين السطح IL-4α هيعطل عمل IL 4 و 13 في نفس الوقت و هو دا بالضبط اللي بيعمله Dupilumab اللي هو عبارة عن جسم مضاد لبروتين المستقبل IL 4α . الجسم المضاد دا بيتم تخليقه في المعمل  باستخدام ال Biotechnology من خلايا مستخلصة من مبايض الهامستر الصيني .

الفريق اللي طور الDupixent هو تقريبا نفس الفريق اللي طور Eylea من شركة Regeneron اللي اتكلمنا عليها قبل كدا انما هنا كان التعاون مع شركة Sanofi الفرنسية للتسويق و المساعدة في الاختبارات السريرية واللي الدوا حاليا هو الفرخة اللي بتبيض لها دهب و اكثر ادويتها تحقيقا للارباح .

خليني هنا نشوف هو ايه المجالات اللي بدأ يستخدم فيها و احنا هنشوف تأثيره الكبير

دا مرض منتشر جدا في العالم بتوصل نسبة الاصابة  ل٥٪؜ في اوروبا و امريكا و في اوساط الأطفال بتوصل ل ٢٠ ٪؜  . الجلد بيتحسس بدون مسبب واضح نتيجة لزيادة نشاط المناعة اكثر من اللازم . المرض بيسبب حكة شديدة و احمرار و احيانا بقع في مناطق واسعة من الجلد خاصة مناطق الاحتكاك زي ورا الكوع ورا الركبة و الرقبة . وهنا ضروري نقول انه من غير مسبب ومزمن و ليه فترات انفجار وهياج Flare-ups  و بعدها خمول Remission

دا علاجه ايه دلوقتي : كريمات كورتيزون او اشباهها من الادوية المناعية لوقت قصير في فترات الهياج و ترطيب طول السنة لمحاولة تجنب ال Flare-ups

طب  و بعد ال Dupixent : مع استعمال الحقن بانتظام اكثر من ٤٠ ٪؜ من الحالات مش بيجيلها فترات هياج تماما و الباقي الاعراض بتكون اقل كتير و المدة الزمنية بدون فترات الهياج بتكون اطول . دا غير طبعا ان الحاجة للكورتيزون بالفم بالنسبة للحالات الشديدة بقا اقل بكتير و لان الDupixent مش بيضعف المناعة بشكل عام فدا عمل نقلة للمرضى .

هنا المقصود هو  الحالات المتوسطة الى الشديدة من المرحلة الخامسة اللي مش بتستجيب كويس للبخاخات و بتحتاج كورتيزون اقراص  . هنا كمان مع الاستخدام المنتظم الأعراض و بتقل جامد في نفس الوقت اللي الاحتياج للكورتيزون وبالتالي آثاره الجانبية بيختفي لدرجة ان الGuidlines الاخيرة ذكرت ال Biologic سواء IL5 او Dupixent على انه الخيار الافضل و استبعدت ال Oral corticosteroids الا لما الBiologics يكون فيه مانع من استخدامهم

حالة تانية من الالتهابات اللي مالهاش علاج غير بخاخات كورتيزون للانف و برضه منتشرة جدا يعني في ٤% من البشر مصابين بيها . هنا في زوائد لحمية حميدة بتنمو في الانف و تصعب عملية التنفس و ممكن تلتهب على فترات مع اعراض رشح مزمن و صداع و فقدان لحاسة الشم و احيانا بيكون عامل محفز للعدوى و طبعا سبب للشخير

  إزالة الزوائد دي طبعا ممكن بس مش حل نهائي واحيانا بترجع تاني . و العلاج بيكون غاليا بخاخات انف كورتيزونية في فترات الالتهاب الحاد و باقي السنة بيكون مهم  تنظيف الانف و الجيوب الأنفية وفي الحالات الحادة عملية او كورتيزون بالفم .

هنا كمان Dupixent دخل غير الموازين و قلل الحاجة للعمليات و للكورتيزون و ساعد في تقليل نمو الزوائد اللحمية و زود فعالية البخاخات  المستخدمة

رغم الامان النسبي لدوبيكسنت ولكن مفيش دوا مالوش آثار جانبية . أشهر الأثار الجانبية اللي ظهرت كانت في العين : جفاف في العين و الجفون ممكن تتحول لاحمرار او التهاب في الملتحمة Conjuctivitis

كمان تم تسجيل  حالات اصابة بالHerpes و خاصة على الشفة بعد بداية استخدامك

وفي مكان الحقن ممكن تحصل اعراض زي حرقان / الم / تورم .

وممكن تحصل زيادة في الحساسية او زيادة في ال Eosinophils بس غالبا دا بيكون بشكل مؤقت و مش بيستلزم ايقاف العلاج

ولكن ظهرت حالات Anaphylaxis shock مع حرارة و صعوبة في التنفس و في الحالات دي طبعا لازم يتوقف و المريض يروح للمستشفى

دوبيكسنت بيتخدم عن طريق الحقن تحت الجلد و بيكون متوفر بشكلين

اقلام للحقن Pens و دي للحقن الذاتي

و حقن جاهزة Prefilles Syringes و دي لو حد هيحقن  سواء للكبار او للاطفال خاصة و ان الدوا معتمد للاطفال من ٦ شهور في علاج الاكزيما

 الحقن و الاقلام بتيجي في تركيزين

٣٠٠ مجم للبالغين و ٢٠٠ مجم للاطفال و الجرعة بتتحدد حسب الوزن

المريض بيحتاج الاول Loading Dose  ضعف جرعته و بعد كدا بيستخدم جرعة  كل اسبوعين ( او بالنسبة للاطفال ممكن كل ٤ اسابيع )

الحقن لازم تتحفظ في الثلاجة و لازم قبل الاستخدام تخرج بره الثلاجة لمدة نص ساعة

الاستجابة القصوى بتحصل بعد ١٦ اسبوع و بعدها بيكمل المريض الحقن بشكل مزمن.

في النهاية العلاج عن طريق استهداف Interkeukins  له مزايا كتيرة و اثبت فعالية عالية و لكنة لسه جديد و لسه لحد اللحظة دي غالي جدا ودا بيقلل من انتشاره و فيه مرضى كتير متخوفين منه عشان حقن و عشان الاثار الجانبية الطويلة له لسه مش واضحه كون Dupixent مثلا  بدا يستخدم من اقل من ٧ سنين فقط .و لكن دا مايمنعش  ان عدد كبير من المرضى و الأهالي  لقت في Dupixent حل سحري ليهم و لاطفالهم ضد كابوس التهابات الجلد المزعجة  بعيدا عن الكورتيزون.

المصادر

 https://www.pharmazeutische-zeitung.de/wie-die-apotheke-unterstuetzen-kann-138946/