نقص الانسولين: نظرة في البدائل المتاحة

في الفترة الأخيرة، الأخبار مش مبشرة لمرضى السكر اللي محتاجين إنسولين بشكل ضروري.  وده بعد ما شركتي سانوفي و نوفو نورديسك مؤخرًا أعلنوا إنهم هيوقفوا انتاج عدد كبير من أنواع الإنسولين اللي بينتجوها. الاعلان دا سبب لغط في سوق الإنسولين اللي أصلاً معقد. السحب بيأثر بالأساس على الإنسولين البشري اللي هيبقى غير متاح في المستقبل القريب إلا بشكل محدود. أما بالنسبة لنظائر الانسولين قصيرة أو طويلة المقعول فالتغيير هيكون محدود . المشكلة لا تقتصر في اختفاء الإنسولين البشري من السوق، بل حتى بعض أنواع الإنسولين الأنالوج، مثلا ليفيمير سيتم ايقاف انتاجها في المستقبل ولن يكون لها بديل و المرضى هيحتاجوا للتحويل لنوع أخر كمان لانتوس هيتم تخفيض انتاجه بشكل تدريجي لصالح منتجات أخرى خاصة بعد ما تم السماح ببدائل له . لو عايز تعرف أكتر  تابع المقالة للأخر.

 

سبب نقص الانسولين 

الكثير من الأطباء منزعجين من القرارات دي خاصة وان الانسولين البشري بالنسبة للكثير من المرضى لازال العلاج الأساسي إلا لو في سبب طبي للتحويل لأحد نظائر الانسولين . وبيشوفوا القرارات دي على انها بيتركز على مكاسب الشركات بدون النظر انهم بيسببوا قلق لقطاع كبير من المرضى.

 الشركات من جانبها بتبص للموضوع بشكل إيجابي : تصريحات الشركات قالت إن تغيير العلاج، خاصة مع الإنسولين، ممكن يكون فعلا تحدي، لكنه برضه فرصة لتحسين العلاج. كمان وضحوا ان انسحابهم من السوق هدفه تقوية سلاسل التوريد وتجنب أي نقص في الانسولين في المستقبل.

شركة نوفو نورديسك أكدت إنها هتستمر في توفير الإنسولين البشري في دول كتير حول العالم، لكن مع تغيير شكل تقديمه. بمعنى انه هيرجع الاعتماد في الانسولين البشري على الزجاجات بدل الأقلام . كمان الشركة بتستعد للنسويق لمنتجها الجديد من نظائر الانسولين طويل المفعول تجاريا هينزل باسم اويكلي عشان يكون أول انسولين يستخدم مرة واحدة أسبوعيا .

منظمة “أطباء بلا حدود” علّقت على الخطة دي و قالت إن دا غالبًا معناه إن الشركة عايزة تركز على ملء الأقلام بحقن أوزيمبيك أو بدايلها اللي بتحقق أرباح كبيرة، بدلاً من الإنسولين البشري اللي أرباحه أقل. ولأن الأقلام أكتر راحة وأسهل للمرضى مقارنة بالزجاجات والأبر ، فده ممكن يؤدي لتقليل استخدام الإنسولين البشري حتى في الدول اللي هيكون لسه متوفر فيها.

الفرق بين نظائر الإنسولين  و الإنسولين البشري ؟

الانسولين المتاح لعلاج مرضى السكر بيتم تصنيفه  لفئتين:

1- الإنسولين البشري 

• الإنسولين العادي. واللي بينزل باسم Actrapid / Humulin R
• الإنسولين البشري طويل المفعول (زي إنسولين NPH – Protamine Hagedorn)، واللي كيميائيًا مطابق تمامًا للإنسولين البشري الطبيعي  على هيئة معلق suspension  زي Insulatard /Humulin N
• خليط من النوعين بنسبة 50/50 أو 70/30 Mixtard  H أو Humulin mix

2- نظائرالإنسولين Insulin analogues : 

وهي مركبات شبيهة بالإنسولين البشري لكن تم تعديل تركيبها الكيميائي (الأحماض الأمينية) لتقديم خصائص معينة.

• الأنالوجات سريعة المفعول (زي Lispro/Humalog  أو Novorapid/Aspart).

• الأنالوجات طويلة المفعول (زي Glargin/Lantus، Detemir/Levemir) ,وغيرهم ،

هل الانسولين البشري افضل من النظائر

التوصيات العالمية لا تعتبر نظائر الإنسولين أقل فعالية مقارنة بالإنسولين البشري، بالعكس، في بعض الأحيان الأنالوج بيشبه طريقة إفراز الإنسولين الطبيعية أكتر. لكن برده مفيش أفضلية ليهم بشكل عام حتى وإن كانت لهم مميزات لبعض الحالات زعشان كدا  بينصح بالاختيار بناء على حالة المريض واحتياجاته.

في التوصيات الوطنية الحالية في ألمانيا مثلا  لعلاج السكري من النوع الثاني، ما تمّش التفريق بشكل واضح بين الإنسولين البشري والنظائر، وإنما تم تقسيم الإنسولين إلى نوعين فقط:

1. الإنسولين قصير المفعول.

2. الإنسولين طويل المفعول.

التوصيات بتشير إلى ضرورة اختيار نوع الإنسولين بناءً على حالة المريض وظروفه الشخصية. ومع ذلك، أشارت التوصيات إلى أن أعضاء فريق إعداد التوجيهات اختلفوا في تقييمهم للأنواع المختلفة من الإنسولين طويل المفعول.

انظمة العلاج بالإنسولين 

وقبل ما نتكلم عن الأنواع ضروري نفهم أنظمة العلاج بالانسولين وهم حاليا بالأساس 3 أنظمة

نظام الأنسولين الثنائي Biphasic regimen

في النظام الاقدم المريض بياخد جرعتين يوميا قبل الوجبات  كل جرعة هتكون خليط من الأنسولين سريع المفعول والأنسولين طويل المفعول. النظام ده بيتسمى “نظام ثنائي” لإنه بيحتوي على مرحلتين من النشاط.

النظام ده مناسب لمرضى النوع الأول والنوع التاني من مرض السكر بشرط إنهم يحافظوا على روتين ثابت كل يوم يشمل 3 وجبات في اليوم في أوقات منتظمة . 

نظام المرتين في اليوم بيدي مرونة محدودة في تعديل الجرعات

في النوع التاني من السكر، النظام ده ممكن يكون مفيد لناس بيعانوا من ارتفاع السكر فقط بعد الوجبات.

نظام العلاج بالحقن المتعددة Basal /Bolus

نظام Basal /Bolus  المعروف كمان بالعلاج بالحقن المتعددة، بيشمل أخد جرعات محددة من الأنسولين طويل المفعول أو متوسط المفعول في وقت ثابت يوميا  مع حقن منفصلة من الأنسولين سريع أو فائق السرعة مع كل وجبة.

النظام ده بيستخدمه بالاساس الناس اللي عندهم النوع الأول من السكر، وممكن يكون مناسب كمان لبعض مرضى النوع التاني.

من مميزات النظام ده إنه بيدي مرونة أكتر في مواعيد الوجبات وبيسمح بتعديل الجرعات حسب كمية الكربوهيدرات في الوجبات 

الأنسولين عبر الضخ المستمر / العلاج باستخدام مضخة الأنسولين Insulin Pump

العلاج باستخدام مضخة الأنسولين (المعروف كمان بالضخ المستمر للأنسولين) بيشمل إن المريض يوصل مضخة أنسولين بجسمه.

المضخة مش كبيرة . حجمها بيكون زي الموبايل وبتوصل الأنسولين بشكل مستمر لجسمك عبر إبرة بتكون موجودة تحت الجلد .

في مواعيد الوجبات، بيتم ضخ زيادة مفاجئة (bolus) من الأنسولين علشان يحافظ على مستوى السكر في الدم.

العلاج ده بيتم تقديمه عادة للناس اللي عندهم النوع الأول من السكر واللي واجهوا صعوبة في التحكم في مستويات السكر باستخدام الحقن اليومية المتعددة.

العلاج ده بيكون كمان مفيد جداً للمرضى اللي عندهم روتين يومي متغير، أو عندهم قابلية أعلى للإصابة بهبوط السكر.

الانسولين المستخدم بيكون الانسولين سريع المقعول

نظرة على البدائل المتاحة

الاسم التجاري	نوع الأنسولين	الشركة	بداية المفعول بالدقائق	مدة المفعول بالساعات
Actrapid *	Human	Novo	30-60	8
Humulin R	Human	Lilly	30-60	8
Insuman rapid *	Human	Sanofi	30-60	8
Novorapid	Aspart	Novo	20	4-5
Fiasp *	ultra fast Aspart	Novo	15	4
Apidra	Glulisin	Sanofi	20	4-5
Humalog/Liprolog	Lispro 100/200 E/ml	Lilly	20	4-5
Ljumjev	Ultra fast Lispro	Lilly	11	4
Insulatard/Protaphane *	NPH	Novo	60-120	14
Humulin N	NPH	Lilly	60-120	14
Insuman Basal *	NPH	Sanodi	60-120	14
Levemir *	Detemir	Novo	60	16-24
Tresiba	Deguldec	Novo	60-120	42
Awiqli	Icodec	Novo	16 Hrs	196
Lantus *	Glargin 100 E/ml	Sanofi	60	20-27
Toujeo	Glargin 300 E/ml	Sanofi	more than 60	30-32
Isophane/Mixtard 30 *	Human 30/NPH 70	Novo	30-60	14
Isophane/Mixtard 50 *	Human 50/NPH 50	Novo	30-60	14
Novomix 30	Aspart 30/NPH 70	Novo	20	10-14
Ryzodeg	Aspart 30/Degludec 70	Novo	20	42
Humalog/ Liprolog mix 25	Iispro 25/NPH 75	Lilly	20	14
Humalog/ Liprolog mix 50	lispro 50/NPH 50	Lilly	20	14
Insulan comb *	Human 15-50/NPH	Sanofi	30-60	14