ايبوبروفين (بروفين): الدليل الشامل للأطباء والصيادلة

ايبوبروفين – المعروف عندنا باسم بروفين و في بلاد اخرى باسماء تانية زي نيورفين / ادفيل / موترين وغيرها – من أكتر أدوية المسكنات والمضادة للالتهابات (NSAIDs) انتشاراً في العالم . كمادة خام هو ثاني أكثر المواد الخام انتاجا في العالم ورا باراسيتامول . ملايين الناس بيستعملوه يومياً سواء لعلاج الصداع، آلام العضلات، أو حتى التهابات المفاصل. طبقاً لإحصائيات منظمة الصحة العالمية (WHO)، أكتر من 30% من البالغين في أوروبا وأمريكا استخدموا إيبوبروفين خلال السنة. كمان، هو و الاسبرين بس من الNSAIDs اللي من ضمن قائمة الأدوية الأساسية اللي لا غنى عنها تبع المنظمة .

ليه كنا محتاجين حاجة زي الايبوبروفين بعد الأسبرين؟

الأسبرين  كان اختراع مهم جدا و من أوائل المسكنات اللي تم تطويرها . الاسبرين تم تطويره في اواخر القرن التاسع عشر وفضل لفترة طويلة الوحيد في فئته . هو كان ولايزال مسكن  ناجح لكن ليه بعض المشاكل : مثلا في الاستخدام الطويل مش مناسب أوي لانه بيسبب قرح ونزيف المعدة . كمان  غير مناسب للأطفال . وفي حالة استخدامه بعد العمليات بيسبب زيادة النزيف . وفي امراض زي الروماتويد و التهاب المفاصل المريض بيحتاج جرعات ضخمة جدا توصل ل ١٦ حبة في اليوم .

في النصف الأول من القرن العشرين مكانش في بدايل كتير ، يادوب باراسيتامول و نوفالجين أو ميتاميزول بس الاتنين للاسف مالهومش اي تأثير مضاد للالتهاب . اكتشاف الكورتيزون طبعا ساعد حالات كتير ولكن بسبب الآثار الجانبية كان في حاجة لمضادات التهاب غير الكورتيزون و جرعاتها منطقية .

عشان كده العلماء في شركة Boots الانجليزية بدأوا يدوروا على دواء جديد يجمع بين التأثير المسكن و تقليل الالتهاب والأمان الأعلى.

قصة اكتشاف بروفين في Boots

في الخمسينات، الباحث Stewart Adams مع فريقه في شركة Boots البريطانية بدأوا مشروع تطوير مركب جديد شبيه للاسبرين . الراجل اعتمد على تركيبة الاسبرين اللي اساسها واحد من ال Phenolic acid و تحديدا Salicylic acid . بس بدل استخدام Salicylic acid اللي في الأسبرين  استخدموا  propanoic Phenoic acid المشابه له كبداية . خلال أبحاث طويلة دامت أكتر من 10 سنين قدروا يطوروا أكتر من مركب منهم   Isobutyl propanoic Phenolic acid ( جمع المكتوب بالBold هيطلع الاسم اللي اختاوره للمركب )

. دكتور ادامز كان متحمس للايبوبروفين بالذات عشان كان اقلهم في الآثار الجانبية خصوصا عالمعدة .والطريف إنه أول مرة اتجرب كان على صداع عند ادامز نفسه بعد Hangover من كتر شرب كحول – وفعلاً نجح،

في ١٩٦٩ بيتم اعتماد ايبوبروفين لأول مرة في انجلترا كدواء للروماتويد بتركيز ٨٠٠ مجم  . بعدها بدأ نفس الفريق في تجربة جرعات أقل لاستخدامات تانية كتير  . و في ١٩٧٤ تم الموافقة على بيع تركيز ٢٠٠ بدون وصفة  OTC للصداع و الحرارة و الالام الاسنان و الام العظام و الآلام الدورة الشهرية  . الملاحظ انه Ibuprofen تم اختراعه قبل ما يتم اكتشاف آليه عمل ال NSAIDs و علاقته بالProstaglandin أو بال COX  . الموضوع كان بالاساس تقليد ل Aspirin و Trial and error .

Boots عملت اتفاقيات مع Johnson و Upjohn و Abott لتسويق ايبوبروفين حول العالم تحت الاسماء المشهورة Advil – Motrin و Brufen . و في النهاية باعت شركة Boots قطاع الأدوية بتاعها كله لشركة Reckitt بما فيها Ibuprofen و Reckitt لسه بتسوق الIbuprofen لحد النهارده في دول كتير باسم Nurofen .

بعد ايبوبروفين و بعد فهم الProstaglandins اكتر من شركة كملت على شغل Boots و طلعلنا Propionic acid derivatives تانية أقوى زي Naproxen و Ketprofen . كمان في شركات تانية بدأت تركز على تطوير مسكنات ليها تأثير اقوى على COX 2 زي Diclofenac و Meloxicam و Celecoxib

ليه ايبوبروفين (بروفين) هو الـ Low-Risk NSAID المثالي؟

ايبوبروفين بيسبب أقل مشاكل في المعدة مقارنة بنابروكسين وأسبيرين، زي ما أكدت دراسات Meta-analysis إن خطر نزيف المعدة  مع ايبوبروفين  مقارنة بنابروكسين . الناحية الثانية ايبوبروفين أقل خطورة على القلب مقارنة بديكلوفيناك وسليكوكسيب  الرسم دا  بيقارن الانتقائية بين COX 1 و COX 2 لأغلب ال NSAIDs .

الميزة التانية هي انه متوفر كـ OTC بجرعات صغيرة (200–400 مجم) و الجرعات دي  أظهرت فعاليتها في الألم الحاد و الحرارة مع أمان عالي.الأدوية  المشابهة زي Dicofenac مثلا جرعة 50 مجم منه تعادل  تقريبا 600 مجم بروفين . الجرعات دي رغم  فعاليتها الا انها مش أمان كفاية عشان تكون OTC و بالتالي حتى الدول اللي وافقت على Diclofenac OTC اعتمدوا فقط الجرعة القليلة 25 مجم . الجدول اللي جاي بيقارن الجرعات لأغلب ال NSAIDs     و لكن عشان نكون أكتر دقة نحتاج نتكلم أكثر عن الجرعات.

جرعات ايبوبروفين واستخداماتها

200–400 مجم : صداع، ألم بسيط، نزلات البرد.  الاستخدام هنا عند اللزوم و بعد أقصى 1200مجم

600 -800 مجم: ألم متوسط أو التهابات ( التهابات و ألم أسنان متوسط – التهاب مفاصل- ألم ظهر  ) . من ٢-٤ مرات في اليوم

الجرعة القصوى هي 2400 مجم/اليوم وفيه بعض الدول بتعتمد لحد 3200 mg يوميا  ودي للاستخدام المزمن في الروماتويد، مع مراقبة للمخاطر.

جرعة الأطفال : 5-10 مجم لكل كيلو عند الحاجة ٣-٤ مرات يوميا , مع ملاحظة ان بعض الشركات بتوفر تركيزين للشراب 20mg/ml (100mg//5ml)  و 40mg/ ml

 

نظرة أعمق لإيبوبروفين

الذوبان: ضعيف في الماء . دا بيقلل من امتصاصه في المعدة و بيأخر بداية التأثير . كمان بيقلل امتصاصه من الجلد و بيخلي امتصاصه من العضلات للأوعية الدموية مش منتظم ، دا معناه ايه :

1. الاستخدام كأقراص مفعوله هيبدأ متأخر نسبيأ (بعد ٣٠ دقيقة) ، لكن الشراب هيكون تأثيره أسرع
2. تغيير الملح باستخدام ملح ال Lysine مثلا هيسهل الذوبان و بالتالي هيبدأ المفعول أسرع
3. الامتصاص من الجلد هيكون مش مثالي و دا هيكون عائق لنجاح المركبات الجلدية
4. الحقن في العضل IM مش هيكون فكره منطقية و بالتالي سائل الحقن هيكون فقط على شكل IV infusion .

مدة الفعالية 4–6 ساعات و t 1/2 بتكون من 2-4 ساعات . دا معناه ان  الواحد هيحتاج ٣-٤ جرعات يوميا عشان يغطي اليوم كامل . او في الجرعات العالية مركبات ممتدة المفعول . دا هيخلي مواد زي Naproxen و Meloxicam ليهم أفضلية في الاستخدام المزمن عشان مفعولهم أطول

يرتبط بالبروتينات بنسبة 99% . دا معناه انه ممكن يأثر على الأدوية التانية زي الwarfarin اللي بترتبط بالبروتين

الاخراج بيكون  بشكل رئيسي عبر الكلى. وفي حالة الفشل الكلوي بيكون مش خيار مناسب .

أشكال ايبوبروفين المتوفرة

ايبوبروفين للأطفال

متوفر كـ syrup / suspension / suppository. مقارنة بالباراسيتامول: الاتنين فعالين في خفض الحرارة، باراسيتامول ممكن استخدامه من الولادة لكن ايبوبروفين من أول ٣ شهور .   الإيبوبروفين أفضل ضد الالتهابات. الباراسيتامول أأمن لو فيه مشاكل في الربو أو الكلى أو المعدة. دراسة meta analyses على 5 تجارب عشوائية شملت 1034 طفل أظهرت إن ايبوبروفين يوفر تسكين ألم أفضل مع أقل آثار قليلة في إصابات العضلات والعظام.

ايبوبروفين الموضعي

بيستخدم كـ جل أو كريم لألام العضلات والمفاصل. مقارنة بديكلوفيناك جل: ديكلوفيناك تمت دراسته بشكل اكبر و فعاليته مثبته و امتصاصه أفضل ، لكن الإيبوبروفين أمن ومناسب لعضلات سطحية. دراسات سريرية أكدت فعاليته في الألم الموضعي مع امتصاص في الدم اقل.

ايبوبروفين بالحقن

بيُستخدم IV في المستشفى كمسكن قوي. مقارنة: باراسيتامول IV → مسكن بس مش مضاد التهاب. ديكلوفيناك IV → أقوى لكن أخطر على القلب. ايبوبروفين IV فعال في الألم المتوسط إلى شديد،

ايبوبروفين أثناء الحمل والرضاعة

الثلاث شهور الأولى  : ممكن استخدامه بحذر، لكن دراسات أظهرت زيادة محتملة في خطر الإجهاض أو عيوب القلب.

الثلاث شهور الثانية : بداية من الالأسبوع ال٢٠ يزيد خطر انخفاض السائل الامنيوسي و يفضل الابتعاد عنه

في الشهور الثلاثة الأخيرة : ممنوع خطر اغلاق  ductus arteriosus .- زي ما اتكلمنا عنها في كلامنا عن ال Prostaglandins.

الرضاعة: آمن نسبياً بتركيز قليل في لبن الأم، بدون آثار جانبية متوقعة على الرضيع.

بعض التفاعلات الدوائية المهمة للإيبوبروفين

• ACEi/ARB + مدرات البول : خطر على الكلى
• Methotrexate : زيادة في سمية ال MTX
• Corticosteroids / SSRIs : زيادة خطر نزيف معدة.
• مع Warfarin : زيادة خطر نزيف.
• بالنسبة للأسبرين، دراسات أظهرت إن ايبوبروفين 400 مجم يقلل تأثير الأسبرين المضاد للصفائح، ويُنصح بفصل الجرعات يعني البروفين يستخدم إما ٨ ساعات قبل أو نص ساعة بعد الأسبرين .

موانع استعمال بروفين

• مرضى الفشل الكلوي.
• امراض الجهاز الهضمي : التهابات القولون التقرحي – مرض كرون – قرح المعدة و الاثنا عشر
• مرضى القلب أو الضغط غير المتحكم فيه.
• الحمل في التلت الأخير.
• الربو الحساس للأسبرين: يسبب Bronchospasm.
• الحساسية للـ NSAIDs أو نزيف معدي نشط.

الأسئلة الشائعة

1- هل ادفيل  هو نفسه بروفين و نيوروفين  ؟ أيوة، “بروفين” هو الاسم التجاري الشهير لدواء ايبوبروفين، والاتنين نفس المادة الفعالة.

2- هل بروفين أفضل من باراسيتامول للصداع والحرارة؟ الاتنين فعالين في خفض الحرارة. ايبوبروفين أقوى في تسكين الألم اللي له علاقة بالالتهاب (زي التهاب الحلق أو ألم الأسنان)، لكن باراسيتامول أأمن لمرضى المعدة والكبد.

3- هل ينفع آخد ايبوبروفين على معدة فاضية؟ لأ لازم يتاخد بعد الأكل عشان يقلل مشاكل المعدة، زي قرح أو نزيف.

4- هل بروفين يرفع الضغط؟ ممكن يرفع ضغط الدم عند بعض المرضى خصوصاً اللي بياخدوا مدرات بول أو عندهم ارتفاع ضغط مزمن،

5- هل ينفع استخدام ايبوبروفين للحامل؟ مسموح في أول وتاني تريمستر بحذر، لكن ممنوع في التالت تريمستر لأنه ممكن يقفل الـ ductus arteriosus عند الجنين

6- هل في خطورة من الجمع بين ايبوبروفين والأسبرين؟ أيوة، ممكن يقلل تأثير الأسبرين المضاد للصفائح ويزوّد خطر النزيف، زي ما أثبتت دراسات وظيفة الصفائح.

7- هل ايبوبروفين بيأثر على الكلى؟ في المرضى الأصحاء التأثير مش كبير ، لكن في مرضى الكلى أو اللي بياخدوا أدوية ACE inhibitors/ARBs ومدرات بول ممكن يسبب أصابة حادة للكلى و بالاستخدام الطويل ممكن يسبب فشل كلوى

8- هل ممكن أخد بروفين لفترة طويلة؟ ممكن لكن تحت إشراف طبي. الاستخدام الطويل بجرعات عالية بيزوّد خطر قرحة المعدة أو مشاكل القلب و الكلى

10- هل بروفين مناسب للأطفال؟ أيوة، متوفر شراب ولبوس بجرعات محسوبة بالوزن. لكنه مش مناسب للأطفال أقل من 3 شهور إلا بتوصية الطبيب

الخلاصة

ايبوبروفين (بروفين) بيعتبر مسكن ومضاد التهاب فعال، آمن نسبياً، وسهل الاستخدام، مدعوم بتجارب كتير قوية زي تجارب و Μeta analysis واسعة.  بروفين متاح في كل الأشكال (أقراص، شراب، لبوس، جل، حقن)، وبيقدم توازن ممتاز بين الفعالية والأمان. علشان كده هو من أكتر الأدوية انتشاراً كـ OTC، وبيفضل الاختيار الأول في آلام بسيطة ومتوسطة.