Physical Address
304 North Cardinal St.
Dorchester Center, MA 02124
في يوم في شهر في سنة تهدى الجراح دا بداية واحدة من الاغاني المشهورة لعبد الحليم حافظ . بس خلينا نسأل بجد بقى هو الجرح بيلتئم فعلا في يوم و لا في شهر ولا في سنة طب تعالوا نفهم الاول هو الجروح بتلتئم ازاي .
عملية التئام الجروح بتتكون من اربع مراحل رئيسية
١- مرحلة وقف النزيف او الارقاء او Haemostasis
٢- مرحلة الالتهاب Inflammation
٣-مرحلة التكاثر proliferation
٤- مرحلة النضوج maturation
طب تعالوا نفصص المراحل دي واحدة واحدة
مبدأيا كدا ضروري نعرف ان الخطوات مش منفصلة عن بعض ، لا دي متشابكة و متداخلة الى حد كبير دلوقتي نخش في المراحل نفسها
١ – مرحلة التجلط ووقف النزيف
أول حاجة لازم تحصل خالص ان النزيف يقف و عملية التجلط نفسها تبدا . دا بيحصل لما الكولاجين اللي موجود في بطانة الشعيرات الدموية المصابة يقابل الصفايح الدموية .
الصفايح هنا هتبدا ترتبط بالكولاجين دا و تترسب في مكان الجرح . الصفايح الدموية بعد ما تتراكم في مكان النزيف هتكون تجلط يقفل الجرح مؤقتأ .
بعدها هبدأ تتابع التجلط Coagulation cascade و اللي بيشارك فيها مجموعة ضخمة من عوامل التجلط اللي بتنتهي بتكون شبكة من الياف ال Fibrin . الشبكة دي هتشكل هي و الصفايح المتجلطة القشرة اللي بتغطي مكان الجرح بشكل فعال ودائم
ضروري هنا نقول ان في أول ٣٠ ثانية من النزيف بيحصل ضيق في الشعيرات الدموية عشان النزيف يقف لكن بعد وقت قصير بتبدا الشعيرات تتمدد و توسع عشان و بنكون في مرحلة الالتهاب
٢ المرحلة الثانية : الالتهاب
برغم سمعة الالتهاب السلبية جدا بس الالتهاب هنا شئ مهم و ضروري . اللي بيحصل ان الأوعية الدموية بتبدأ تتمدد و توسع و تبدا تجيب للمنطقة اللي فيها النزيف الكثير من مواد البناء المطلوبة لالتئام الجروح .
المواد دي كلها هيتم صبها في المكان اللي اتشكلت فيه القشرة المتجلطة على هيئة سائل أو افرازات او نضح او Exudate .
السائل دا بقى بيحتوي على ايه بقى
١- اولا خلايا مناعية و خاصة Neutrophils بشكل اساسي وبعدها Macrophages اللي هتنظف المنطقة من البكتريا والخلايا الميتة و الاتربة
٢-عوامل النمو أو ال Growth factors : ودول البروتينات الأهم لاعادة البناء وأهمهم
- PDGF ( هتفرزها الصفايح ) و TGFβ ( هتفرزها خلايا المناعة ) دول هيزودوا وصول خلايا ال Fibroblasts اللي هتبني الكولاجين و تدعم مكان الجرح
- VEGF و دي هتكون مسؤولة عن بناء الشعيرات الدموية الجديدة
٣- بروتينات و غذاء و اوكسيجين و ATP .. عملية الالتئام بتستهلك طاقة و مواد أولية كتير
طب ما الالتهاب اهو حلو !! ايوا و لكن هنا في نقطة غاية في الأهمية ، الالتهاب ااه كويس و الافرازات دي مهمة بس دي مرحلة و لازم تخلص عشان الخطوات اللي بعدها يكمل وهنا عندنا مشكلتين
١- البكتريا برغم انها العدو الأول للالتهاب الا ان تكاثرها هينبسط من كمية التغذية اللي واصلة للمنطقة . وبما ان المناعة هتفضل مشغولة معاها فتكاثر البكتيريا هيطول فترة الالتهاب او ممكن يوقف عملية الالتهاب بالكلية في المرحلة دي.
زي ما قلنا المرة اللي فاتت البكتيريا ممكن تكون حولين منها Biofilm يخليها محصنة و بالتالي يستمر الصراع معاها فترة طويلة جدا.
٢- لو الجلد نزل كمية ضخمة جدا من الافرازات هيكون صعب ان باقي الخطوات تتم .
المرحلة الثالثة: التكاثر (Proliferation)
هنا بيبدأ الجلد يعوض الأنسجة اللي تم فقدها. المرحلة دي نقدر نقسمها لأربع خطوة رئيسية:
١- عملية الـ Granulation:
البطل هنا هو خلايا الـ Fibroblast اللي عوامل النمو استدعتها في المرحلة السابقة. الـ Fibroblasts هم العمود الفقري للنسيج الضام (Connective tissue) اللي بيحافظ على قوام الجلد وصلابته.
اللي بيخلي الجلد مشدوداً هو بروتين الكولاجين – البروتين ده بتفرزه الـ Fibroblasts بشكل متواصل، لكنه بيتناقص مع تقدم العمر. في حالة الجروح، وبسبب زيادة أعداد الـ Fibroblasts، بيتم بسرعة بناء كولاجين كافي عشان يسد الفجوة الموجودة. لكن الكولاجين ده مش من نفس النوع الدائم – ده نوع مؤقت اسمه Collagen Type III، أقل صلابة من الكولاجين الطبيعي.
٢- عملية الـ Angiogenesis:
زي ما النسيج اللي اتقطع محتاج يتعوض، الشعيرات الدموية اللي اتلفت هي كمان محتاجة تتعوض – والمحرك الأساسي هنا هو الـ VEGF.
العملية بتبدأ بتحلل الغشاء القاعدي (Basement membrane) للأوعية الدموية السليمة المجاورة للجرح، وبعدها الخلايا المبطنة للأوعية (Endothelial cells) بتنقسم وتهاجر لمكان الجرح وتكوّن أوعية دموية جديدة سليمة.
الأوعية الدموية الصغيرة الجديدة دي مع الـ Collagen Type III بيشكّلوا مع بعض نسيجاً اسمه Granulation Tissue. النسيج ده في الغالب مش بنشوفه لأنه بيكون تحت القشرة اللي بتغطي الجرح.
٣- عملية الـ Epithelialisation:
قوام الجلد بدأ يتشد والأوعية الدموية الجديدة بدأت تتشكل – باقي إيه؟ باقي وظيفة الجلد الأساسية! الطبقة اللي قافلة الجرح دي طبقة مؤقتة، محتاجين خلايا جلد حقيقية أو بتعبير أدق Epithelial tissue وKeratinocytes.
العملية دي بتبدأ من أطراف الجرح – الخلايا السطحية المجاورة للجرح بتبدأ تهاجر لمنطقة الجرح وتتكاثر وتقفله بطبقة دائمة من العمق لفوق. بيساعد في ده كمان إن خلايا Keratinocytes من غدد أو بصيلات شعر قريبة ممكن تهاجر للمنطقة وتسرّع العملية.
وبعد حوالي أسبوعين بيبقى الجلد اتقفل من الناحية السطحية.
٤- عملية الانكماش (Contraction):
قلنا في الأول إن الجرح التهب وتمدد – طب عايزينه يرجع لحجمه تاني! غير كده هيفقد وظيفته. العملية دي بتعملها خلايا أصلها Fibroblasts، لكنها مش هتعمل كولاجين – دي بتتحول لخلايا شبيهة بالخلايا العضلية اسمها Myofibroblasts. الخلايا دي هتفضل تنقبض وتقلل حجم الجرح لأيام وأسابيع، ولما تخلص مهمتها بتعمل Apoptosis (انتحار مبرمج).
وبكده تكون مرحلة التكاثر انتهت والجرح من برا رجع لوضعه – لكن من جوه لسه محتاج شوية. وعشان كده لازم تبدأ المرحلة الأخيرة.
المرحلة الرابعة : النضوج
الكولاجين من النوع الثالث بيبدأ بالتدريج يتحول للنوع الدائم الاكثر صلابة . و الياف الكولاجين المنطورة بتبدا تنتظم و ترتبط ببعض . و فوق على السطح الخلايا السطحية بترجع للونها الطبيعي و بتفقد بالتدريج اللون الأحمر المميز للندبات . العملية دي ممكن تستمر لاسابيع و شهور و سنين بناء على حجم الجرح و عمقه .
وبكدا الف مبروك الجلد رجع لطبيعته قبل الجرح
ولكن هنا لازم ييجي السؤال هو عندنا في الصيدلية مواد ممكن تعزز او تسرع العملية دي ؟؟ و ايه هي تعالوا بقى نتكلم عنهم واحدة واحدة
مواد تساعد في الالتئام
١- ديكسابانثينول (Dexpanthenol):
ده الشكل النشط من فيتامين B5. الجسم بيحوّله لـ Pantothenic acid اللي هو جزء أساسي من Coenzyme A – وده بيشارك في عمليات تصنيع الكولاجين وإصلاح الأنسجة.
- بيحفز تكاثر الـ Fibroblasts وبيسرّع الـ Re-epithelialisation
- •بيساعد على ترميم حاجز الجلد وترطيبه
- له تأثير مضاد للالتهاب خفيف
- مناسب الجروح السطحية، الخدوش، الحروق الخفيفة. الأفضل تطبيقه بدري من بداية الإصابة.
٢- ألانتوين (Allantoin):
مادة طبيعية موجودة في نبات الكومفري (Comfrey)، وبتدخل في تركيبة كتير من كريمات الجروح والبشرة.
بيحفز تكاثر الـ Fibroblasts وتصنيع الشبكة (Extracellular Matrix)
- بينظم الاستجابة الالتهابية ويقصّر مرحلة الالتهاب
- بيسرع الـ Re-epithelialisation عن طريق تحفيز هجرة الـ Keratinocytes
- له خاصية تليين للأنسجة (Keratolytic خفيف) – بتساعد على إزالة الأنسجة الميتة بلطف
- كتير من المنتجات بتجمعه مع Dexpanthenol في نفس التركيبة لتأثير تكاملي.
٣- بيتا سيتوستيرول (Beta-Sitosterol):
ستيرول نباتي موجود في كتير من الزيوت والمستخلصات النباتية، وبيدخل في بعض كريمات الجروح المتخصصة.
- بيحفز تكوين أوعية دموية جديدة (Angiogenesis) عن طريق تنشيط الـ VEGF
- بيعزز تصنيع الكولاجين من الـ Fibroblasts و بيسرع الـ Re-epithelialisation
- يساعد على تحويل الماكروفاج من النوع الالتهابي (M1) للنوع المرمم (M2) – وده بيقصّر مرحلة الالتهاب ويفتح الباب لمرحلة التكاثر
٤- الفازلين الطبي (Petroleum Jelly):
بسيط، رخيص، وأدلته العلمية أقوى مما كتير ناس بيتوقعوا!
- بيخلق طبقة عازلة فوق الجرح تحافظ على البيئة الرطبة (Moist Wound Healing) – وده ثابت علمياً إنه بيسرع الالتئام مقارنة بالجروح الجافة
- بيمنع الجفاف ويقلل التندب
- بيقلل الألم عند تغيير الضمادة لأن الشاش ما بيلزقش بالجرح
- لا يُستخدم على الجروح العميقة أو المصابة بعدوى – لأنه بيخلق بيئة مغلقة ممكن تساعد البكتيريا على النمو.
٥- صوديوم ألجينات (Sodium Alginate) :
مادة طبيعية مستخرجة من الأعشاب البحرية البنية.
- بيكوّن طبقة هلامية (Gel layer) فوق الجرح تحافظ على البيئة الرطبة
- بيحفز تكاثر الخلايا وبيزيد إفراز عوامل النمو زي VEGF وTGF-β
- متوافق حيوياً ومش بيسبب تهيج للأنسجة
- بيساعد على توصيل المواد الفعّالة الأخرى في التركيبة للجرح بشكل منتظم
٦- العسل الطبي (Medical Grade Honey) وخاصة عسل المانوكا:
متوقفش عند فكرة إن العسل “علاج شعبي” – العسل الطبي معتمد من FDA في علاج الجروح.
- بيكون بيئة حمضية (pH منخفض) تمنع نمو البكتيريا
- عسل المانوكا تحديداً فيه مركب Methylglyoxal (MGO) اللي بيقضي على البيوفيلم
- بيحفز الـ Fibroblasts وينظم الالتهاب ويسرع الـ Granulation
- فعّال ضد MRSA والبكتيريا المقاومة للمضادات الحيوية
- مناسب في علاج الجروح المزمنة، الحروق الجزئية السطحية، الجروح المصابة بعدوى مقاومة.
مهم جداً: العسل الطبي مختلف تماماً عن عسل البيت! العسل الطبي معقم ومعالج. عسل البيت غير معقم وممكن يكون مصدر للتلوث.
ضروري الحذر عند مرضى السكري بسبب احتمال امتصاص السكر من الجروح الكبيرة.
عوامل ممكن تأثر على الالتئام
- السن : زي ما شوفنا عدد الFibroblasts بيقل مع تقدم العمر وبالتالي زمن الالتئام بيطول
- التدخين : بيضيق الاوعية الدموية و بالتالي بيقلل التغذية للجروح
- التغذية : الفيتامينات و البروتين مهمين للالتئام
- الأمراض : مرض السكر بيطول مدة الالتئام – نفس الشئ م عاد امراض صعف المناعة
- الأدوية : مضادات التجلط بتوقف الالتئام من اوله – الكورتيزونات بتقلل الالتهاب من بدايته و بتقلل المناعة – العلاج الكيماوي بيقلل المناعة
وبكدا نبقى غطينا إلى حد ما عملية التئام الجروح و فهمنا ازاي بتحصل و ازاي نقدر ندمعها و ايه اللي ممكن يأثر عليها
